Proverboj: Aliaj retejoj

Mia retejo ne estas la unua kie aperas esperantaj proverboj (sed ja la plej granda kaj bona...). Por doni al vi ioman superrigardon mi tie ĉi mencias aliajn proverbarojn kiujn mi trovis en la reto.
Ĝenerale la aliaj proverbaroj en la reto limigas sin al la (proksimume) 2630 proverboj en la Proverbaro esperanta de L.L. Zamenhof.

Atentu: tiu ĉi listo ankoraŭ ne estas kompleta, mi scias pri kelkaj pliaj. Iom post iom mi aldonos al la listo tiujn mankantajn...

1. Elŝuteblaj dokumentoj (PDF)

• PDF-dosiero elŝutebla.
• Alfabeta listigo de ĉiuj proverboj.
• Eblas serĉi per la PDF-programa serĉ-ebleco.
• Konataj dokumentoj:
  • inko
    La sama dokumento en Ipernity:
    • Uzanto: Zhang Xuesongpro
    • Uzanto: Cezar (Kaiser)
  • Kolekto Verdaj Paĝoj
    Noto: 2613 proverboj; estas minimume unu erara teksto.

2. Simplaj listigoj (HTML)

Ekzistas en tiu sfero kelkaj "gustoj": la tuto konsistas el unu granda dokumento, aŭ estas kelkaj malpli grandaj paĝoj. Ankaŭ la ordigo kaj eventualaj aldonaĵoj povas varii.

• Unu granda teksto-dosiero aŭ unu teksto-dosiero por ĉiu litero.
• Ordigo: alfabeta laŭ unuaj literoj, aŭ laŭ alia kriterio.
• Nur la proverboj, aŭ kun aldonaj informoj.
• Serĉado en la dokumento(j) per la krozilo.
• Eblas facile transpreni la dokumento(j)n.
• Alfabetaj listigoj en unu granda paĝo:
  • David G. Simpson
• Alfabetaj listigoj en malpli grandaj paĝoj; unu paĝo por ĉiu litero:
  • Reta Vortaro
• Listigoj en unu granda paĝo laŭ la originala eldono:
  • Jouko Lindstet
    Noto: Kun alfabeta kaj laŭnumera indeksoj.
• Ordigo laŭ ĉefaj vortoj (unu paĝo por ĉiu litero):
  • Pejno Simono
    Noto 1: Li mem difinas en sia paĝo kiujn vortojn li konsideras ĉefaj. Estas kvar kategorioj, kaj aldone ĉiuj vortoj inter citiloj estas enprenitaj.
    Noto 2: Kun unu aparta paĝo por ĉiuj vortoj kiuj komenciĝas per la prefikso mal.
    Noto 3: La retejo ne plu estas alirebla; mi provis kelkfoje.
    Noto 4: La proverbaro estas aldonita al la esperanta Vikipedio
• Ordigo laŭ la numeroj de la eldono de 1974 (unu paĝo):
  • Marc Bavant
    Noto: Ĉe ĉiu proverbo estas menciitaj ĉiuj kategoriaj indikoj el la t.n. analiza indekso kiun preparis Camille Rogister.

3. Aliaj variantoj (datumbazoj, ...)

• lernu.net: http://eo.lernu.net/biblioteko/proverboj/index.php
  • 2659 proverboj (Zamenhofaj, kaj kelkaj pliaj).
  • Proverboj en datumbazo.
  • Listigo en paĝoj de 200 proverboj.
  • Eblas serĉi laŭ vortoj (literkombinoj!) aŭ laŭ kategorioj (fiksaj).
  • Eblas trovi la tradukon de unuopaj vortoj (kiel en ĉiu paĝo de tiu retejo), sed ne de la tuta proverbo.

Fakte mi ĝis nun ne trovis alian retejon kiu publikigis esperantajn proverbojn en maniero komparebla kun la mia. Fakte mi komencis de la proverbaro en la retejo de Jouko Lindstet, kaj pripensis ke mi povus fari tion en pli ampleksa (kaj pli laŭ-reta) maniero. De tiam mi ĉiam pliampleksigis kaj plibonigis mian retejon, kaj ofte iam post ellaboro de unu aŭ alia plibonigo mi trovis ian tre bazan formon de tio en alia retejo. Du ekzemploj:

1. Vorto-listoj: mi ne nur faris alfabetan listigon de la proverboj, sed ankaŭ de la unuopaj vortoj kiuj aperas en la proverboj, farante la koncernajn vortojn grasaj. Post tio mi trovis la listigon de Pejno Simono.
2. Tema indekso: mi finfine ellaboris kiel mi volis aperigi la analizan indekson (=la plia tema listigo) farita de Rogister en la lasta eldono de Proverbaro esperanta, kaj iom poste mi trovis la listigon de Marc Bavant.

Iom aparte, tiaj koincidoj, sed tiel okazis...